Një 14-vjeçar autori i sulmit me 4 të vdekur në një shkollë në Georgia

Një adoleshent 14-vjeçar besohet të jetë autori i sulmit me armë zjarri në një shkollë të Georgia-s, ku mbetën 4 persona të vrarë dhe 9 të plagosur.

Lajmi bëhet me dije nga CNN duke cituar një burim të forcave të rendit. Nuk dihet ende nëse adoleshenti ka qenë nxënës në shkollën ku ndodhi ngjarja.

I dyshuari ndodhet në paraburgim. Shkolla e mesme kishte marrë një kërcënim telefonik më herët, thanë për CNN zyrtarë të zbatimit të ligjit.

 Telefonata e së mërkurës në mëngjes paralajmëroi se do të kishte të shtëna në pesë shkolla dhe se “Apalachee” do të ishte e para.

Presidenti i SHBA Joe Biden thotë se ai “po mban zi për vdekjen e atyre që ju ndërpre në mes jeta për shkak të një dhune të pakuptimtë me armë”.