Veshjet më elegante të ceremonisë së inaugurimit të Trump

<p>Dita e inaugurimit sjell krahas presidentit të ri, edhe pompozitetin, spektaklin dhe komentet që shoqërojnë elitën që bëhet pjesë e ceremonisë.</p> <p>Rrobat e veshura në këtë skenë botërore - ngjyra, prerja dhe detajet – marrin shumë vëmendje. Nga kapela mbresëlënëse e Melania deri te pardesyja fashion e Usha-s, ja një përmbledhje e shpejtë e disa prej veshjeve më të paharrueshme të ditës.</p> <p>Melania Trump</p> <p>Melania Trump e nisi ditën e inaugurimit me një veshje që ka të gjitha shenjat dalluese të stilit të saj të preferuar të Zonjës së Parë: me prerje të mprehtë, me taka të holla dhe një kapele mjaft elegante.</p> <p>Kapelet kanë qenë prej kohësh një element kryesor i veshjes së inaugurimit të Zonjës së Parë, nga kapela e Jackie Kennedy te kapelat e mbajtura nga Nancy Reagan.</p> <p>Jill Biden</p> <p>Zonja e Parë Jill Biden ishte veshur me blu nga koka te këmbët në ditën e saj të fundit si Zonjë e Parë dhe sot, ndërsa priti Trump-in përpara ceremonisë së inaugurimit, ajo mbante sërish një blu të purpurt nga koka te këmbët. Bluja është një ngjyrë shumë e zakonshme për të gjithë familjen Biden dhe është përdorur për të të përfaqësuar administratën e katër viteve të fundit.</p> <p>Në ceremoninë e betimit të burrit të saj në 2021, Jill veshi një pallto blu të krijuar nga stilistja/themeluesja Alexandra O'Neill për markën e veshjeve luksoze të grave me bazë në Nju Jork, Markarian. Kjo raportohet se në atë kohë i pesëfishoi shitjet për stilistin.</p> <p>Të dy Bidenët kanë zgjedhur sot të vishen me rroba të stilistit tërësisht amerikan Ralph Lauren, veshjet dhe historia e të cilës shihen si sinonim i ëndrrës amerikane.</p> <p>Avokatja dhe gruaja e Zëvendës Presidentit të zgjedhur, J.D. Vance, Usha Vance, zgjodhi një fustan blu kobalti me shpatulla Badgley Mischka, i cili shitet për 495 dollarë.</p>