Arratisen 7 të mitur nga një burg në Milano të Italisë, kapen dy

Shtatë persona u arratisën nga burgu i të miturve në Beccaria të Milanos, Itali.

Ngjarja u shënua në burgun e të miturit “Cesare Beccaria”, ku dy prej tyre u kapën sërish.

Katër policë të burgjeve u dërguan në spital pasi u asfiksuan mbrëmjen e djeshme nga tymi i shkaktuar nga flakët e ndezura në qeli nga disa të burgosur të institutit për të mitur Beccaria në Milano, pasi shtatë të burgosur ishin arratisur.

Agjentët janë 25, 26, 27 dhe 34 vjeç dhe të gjithë janë dërguar në spitalin e San Carlo, por asnjë në gjendje të rëndë.

Autoritetet italiane vijojnë nga puna për kapjen e personave të tjerë të cilët vijojnë të jenë në arrati.