Ky vit shkollor do të fillojë ndryshe për mijëra gjimnazistë në Francë. Autoritetet kanë nxjerrë një rregullore të re për të kufizuar përdorimin e telefonave celularë nëpër shkolla.
Projekti pilot do të fillojë në 200 gjimnaze, njoftoi ministria e Arsimit. “Pauzë digjitale” e cilësuan ekspertët që hartuan rregulloren, ndërsa kanë synim të përmirësojnë klimën e mësimdhënies dhe marrëdhënieve mes studentëve.
Franca e ka ndaluar që në 2018-ën përdorimin e telefonave në shkollë, por ligji nuk ka gjetur zbatim.
Me rregulloren e re, nga e hëna e dy shtatorit, nxënësit janë të detyruar ta lënë celularin kur hyjnë në shkollë dhe do e marrin kur të dalin nga mësimi.
Organizata të ndryshme ndërkombëtare kanë theksuar nëpër raportet e tyre se celulari i shpërqendron nga ora e mësimit.
Një ndër aspektet që po tentojnë të luftojnë ekspertët e arsimit është edhe bullizimi nëpër ambientet studentore. Por për disa ekspertë kjo masë është e vështirë që të zbatohet.
Zbatimi i kësaj mase kërkon ndërtimin e një aparati të tërë brenda shkollës për të parë se kush e lë telefonin te dera dhe kush jo, ndërsa duhet parë edhe dënimi për ata që nuk e zbatojnë, thonë ekspertët e arsimit.
Ndërkohë, edhe vende të tjera, si Belgjika, Britania apo vendet nordike kanë filluar të ndërmarrin masa të ngjashme nëpër shkolla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
