Enti Rregullator i Energjisë ka mbledhur bordin ditën e sotme ku ka pezulluar rritjen e tarifës së energjisë elektrike për muajin tetor, duke e shtyrë aplikimin nga 1 nëntori në 31 dhjetor.
Bordi diskutoi “Për një ndryshim në vendimin nr. 242, datë 23.09.2022, të bordit të ERE-s, “Mbi miratimin e çmimit të shitjes së energjisë elektrike prej 42 lekë/kWh për konsumin
mbi 800 kWh/muaj për klientët familjarë për periudhën 1 Tetor – 31 Dhjetor 2022”, thuhet në njoftimin për mediat.
Kreu ERE, Petrit Ahmeti tha se “çmimi i KESH për OSHEE nuk do të ndryshojë”. “Vendimi i mëparshëm nuk ka efekt, leximi do te bëhet në fund të muajit”, tha ai.
Mbledhja e bordit te ERE vjen pasi kryeministri Rama anuloi vendimin për vendosjen e fashës 800 kwh për muajin tetor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
