Pamjet që gjeni në videon më poshtë, tregojnë atë që mbeti pas nga beteja katër ditore me flakët në ishullin e Sazanit.
Pemë të djegura dhe shkrumbuara, hi i mbetur pas dhe një panoramë gjysmë gri e mbetur si kujtim nga zjarret, bashkë me bimësinë që arriti t’i shpëtojë pamjeve, si ngushëllim për dëmin e shkaktuar.
MCN Tv sjell pamjet e skenës me të cilët do të përballen vizitorët e ishullit aq shumë të frekuentuar përballë brigjeve të Vlorës, pikërisht në nisje të sezonit turistik.
Kujtojmë se u desh ardhja e një avioni Canadair CL 415, si mbështetje nga Greqia, që situata në ishullin e Sazanit të vihet nën kontroll, bashkë me angazhimin e 122 efektivëve të Forcave të Armatosura, 9 mjeteve dhe dy anije u angazhuan në operacionin për shuarjen e flakëve... por pas katër ditësh ku zjarri mori përpara ç’mundi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
