Ministri i Jashtëm turk Mevlut Çavusoglu i ka dërguar një letër homologut të tij grek, Nikos Dendias, ku i shpreh urimet më të mira për festën e 25 Marsit.
Greqia feston 202-vjetorin e fillimit të Luftës së Pavarësisë nga Perandoria Osmane.
Në letrën e tij, Cavusoglu shpreh shpresën se marrëdhëniet midis dy vendeve, të cilat janë përmirësuar që kur Greqia i dërgoi ndihmë Turqisë pas tërmeteve vdekjeprurëse të shkurtit, do të forcohen në të ardhmen. Cavusoglu shton se është i vendosur të kontribuojë më tej drejt arritjes së këtij qëllimi.
Cavusoglu falenderon edhe një herë qeverinë greke dhe popullin grek për solidaritetin dhe ndihmën e tyre pas tërmeteve të 6 shkurtit që vranë më shumë se 50,000 njerëz në Turqi dhe mbi 7,200 në Siri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
