“Becchetti”, Karanxha: SPAK duhet të nisë një hetim, kush ka bërë veprime të paligjshme të përgjigjet me pronat e tij (VIDEO)

Investitori italian Francesko Beccheti do të marrë 110 milionë euro nga shteti shqiptar. 

Vendimi i fundit i Gjykatës së Apelit në Paris rrëzoi kërkesën e Shqipërisë për të anuluar vendimin e arbitrazhit ndërkombëtar ICSID, duke e bërë të ekzekutueshëm dënimin financiar ndaj Shqipërisë.

Ish-prokurori Ervin Karanxha tha në studion e lajmeve të MCN Tv se SPAK duhet të nisë hetime të menjëhershme për këtë çështje në mënyrë që punonjësit e administratës që kanë bërë veprime të paligjshme të përgjgijen me pronat e tij.

SPAK për këtë çështje duhet të fillojë hetime të menjëhershme, të evidentojë personat përgjegjës, të verifikojë pasuritë e tyre që këta persona me këtë dëm që i kanë bërë shtetit shqiptar me padi regresi t’i kthehet shtetit. 

 

Çdo person i administratës publik kur bën një veprim të paligjshëm të përgjigjet me pronat e tij. 

 

Duhet të hetohet. Personat që janë marrë me letrat fizike, se vullneti politik është tjetër, specialistët kur e shohin që diçka nuk shkon duhet të bëjnë letrat sipas asaj që parashikon ligji. 

 

Shkelja e procedurave të brendshme ka shkaktuar këtë pasojë shumë të madhe.