Pas dhunës së ushtruar ndaj avokatit Sokol Mëngjesi edhe në Elbasan avokatët kanë bojkotuar seancat gjyqësore për tre ditë duku nisur nga sot deri më datë 7 qershor.
Vendimi u mor nga Dhoma Kombëtare te Avokatisë, ku 28 anëtarë të Këshillit të Përgjithshëm të Dhomës së Avokatisë votuan ditën pro bojkotit të gjyqeve, ndërsa pritet që të marrin pjesë vetëm në seancat për masat e sigurimit.
Vetë kryetari Maks Haxhia shpjegoi se ky vendim i avokatëve vjen pas indiferentizmit të institucioneve të drejtësisë të cilët pas dhunës ndaj Mëngjesit nuk reaguan për të dhënë mesazhe të forta se figura e mbrojtësve ligjorë duhet të respektohet.
Ata kritikojnë edhe reformën në drejtësi, për të cilën thotë se ka sjellë një sërë problemesh dhe se nuk është ajo që avokatët prisnin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
