Meteorologia Anira Gjoni thotë se gjatë kësaj jave pritet vijimi i temperaturave të ulëta dhe reshjet do të ndërpriten.
Duke folur për “MCN Live”, Gjoni deklaroi se reshje të dobëta do të ketë gjatë ditës së sotme, por pa problematika.
Sipas saj, temperaturat e ulëta dhe ngricat mund të shkaktojnë problematika në rrugë.
Gjatë ditës së nesërme në bregdet temperaturat do të jenë 5-12 gradë celcius, në zonat e ulëta 2-13 dhe në zonat malore -5 deri 5 gradë.
Këto temperatura do të vazhdojnë të mërkurën dhe të enjten, e premtja do të sjellë përmirësimin e kushteve të motit.
Situata ishte e paralajmëruar që javën e kaluar, pritej çrregullim sa i përket masës së ftohtë të ajrit që qëndron mbi Arktik është një fenomen që ndodh gjatë periudhës së pranverës dhe vjeshtës, fazës tranzitore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
