Tatimpaguesit e mëdhenj kanë detyrime të pashlyera ndaj shtetit në masën 1 miliard euro. Ky borxh mund të jetë thelluar përgjatë vitit të fundit, i cili për shkak të pandemisë u karakterizua nga vështirësi financiare. Në studion e lajmeve të MCN TV, gazetari i ekonomisë, Klodian Tomorri, tha se peshën më të madhe të këtij borxhi e mbajnë 20 kompani të mëdha.
“I gjithë borxhi tatimor, që bizneset u kanë organeve fiskale në formën e taksave të papaguara deri në fund të në 2019-s ishte 1 miliard euro. Nuk i dimë dimë shifrat e 2020. Që një detyrim tatimor të kthehet në borxh, duhet të kalojë marsi, kur bizneset dorëzojnë bilancet. Borxhi nga 1 miliard mund të ketë shkuar më shumë. Situata ka qenë e vështirë dhe borxhi duhet të jetë rritur. Duhet pasur parasysh që bizneset e mbyllura, edhe ato e rrisin borxhin. 1 miliard euro janë rreth 20 tatimpagues, pjesa më e madhe në industrinë e naftës, në fushën e lojërave të fatit etj”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
