Çmimi i shalqirit në vend, po tregtohet mesatarisht me 200 lekë të vjetra kilogrami, ndërkohë që tregtarët ankohen se nuk kanë shitje dhe se fitimi është minimal.
Gazetarja e MCN TV, Valbona Lila u ndal në një treg fruta-perimesh në kryeqytet, për të parë nga afër situatën e çmimeve.
Duke folur për mikrofonin e MCN, një tregtare tha se një kilogramë shalqi shitet me 250 lekë të vjetra dhe në pikat e grumbullimit e marrin me 200 lekë.
Shumë shtrenjtë janë çmimet, shesim për 50 lekë dhe për 100 lekë, shkoni në Kashar. Çmimet janë atje, pastaj hajdeni këtu. Për 50 lekë i shesim. S’ka! Nuk tërhiqet malli, nuk ka punë fare.
Po punojmë kot. Çmimet janë shtrenjtë, molla është shumë shtrenjtë, pjeshka, kajsia, shtrenjtë janë. Më shtrenjtë janë tani se sa vjet, malli është i shtrenjtë nuk flitet dot, populli nuk ka faj.
Molla është e jashtme. Sallata shumë shtrenjtë e merr sot 1700 lekë të vjetra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
