Gazetari Erjon Skëndaj deklaroi në MCN TV se rezulton që skaneri në Spitalin Infektiv nuk funksionon, çka sipas tij është shokuese. Gazetari shton se personat me Covid po përdorin skanerin e patologjive të tjera, duke i vënë këta të fundit në rrezik.
Në të gjitha rastet e varianteve ka pasur një vonesë në përgjigjet e ministrisë me të paktën 1 muaj. Pyetja që shtrohet është pse Shqipëria në dy vite nuk arriti të bëjë sekuencimin. Sepse patëm edhe një bashkëpunim me spitalet turke. Laboratorët i kemi, pse nuk e bëjmë sekuencimin, ndërkohë edhe sot çojmë mostra dhe i bëjmë vetë sekuencimet. Puna e skanerit është shokuese. Ratësisht mësova që prej dy javëve skaneri i Infektivit nuk punon. Qeveria po rrezikon të infektojë persona që vijnë për patologji të tjera. Sepse në të njëjtin skaner që u bëhet personave me Covid, u bëhet të gjithë pacientëve të spitalit. Ka një rritje të lehtë të urgjencave. Nga 3-4 urgjenca në javë tani kemi 7-8 në javë. Rastet tani janë dukshëm më të lehta”.
Skëndaj foli për një dështim të ISHP-së, pasi studimi i CDC-së ka treguar se personat që kanë kaluar Covid-in s’kanë nevojë për vaksinim.
Nga vëzhgimi praktik në terren, rezulton që qytetarët e kanë kaluar dy dhe tre herë Covid-in. Unë e kam kaluar tre herë Covid-in. ISHP ka dështuar në të gjitha drejtimet. Studimi i CDC-së dhe studime të tjera tregojnë që imuniteti natyror i atyre që e kanë kaluar Covid-in është superior ndaj vaksinës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
