Një shpërthim i madh ka ndodhur në kryeqytetin libanez Beirut pasditen e sotme.
Një re e dendur tymi shihet në videot që qarkullojnë në mediat sociale. Shpërthimi ka ndodhur në zonën e portit dhe fillimisht pati raportime për dëme në ndërtesa.
Nuk dihet se cili ka qenë shkaku u këtij shpërthimi, por dëshmitarët në vendngjarje thanë se kishin parë ndërtesa teksa rrëzoheshin dhe shumë njerëz të plagosur.
Pak orë pas shpërthimit u konfirmuan 30 viktima dhe raportohet për mbi 3 mijë të plagosur.
Kryqi i Kuq i Libanit u bëri thirrje ekipeve të shpëtimit të shkojnë në vendin e ngjarjes menjëherë ndërsa njoftoi se më shumë se 30 ekipe të tjera janë në terren.
"Ju lutemi hapni rrugën për në ambulancat tona", shkroi në Tuiter Kryqi i Kuq.
Shtëpia e Bardhë përmes sekretares së shtypit, Kayleigh McEnany, tha se po e ndjek nga afër situatën. Ndërsa presidenti libanez Michel Aoun urdhëroi ushtrinë të angazhohet në terren.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
