Seanca e sotme e Kuvendit është mbyllur mes kaosit, tensioneve dhe përplasjeve.
Që para nisjes së seancës, deputetët e opozitës bllokuan foltoren e Kuvendit, duke përmbysur karriget.
Përfaqësuesit e PS u detyruan të mbanin fjalën nga vendi, duke qendruar në këmbë.
Nga ana tjetër deputetët e opozitës krijuan zhurmë dhe nxitën ovacione për t’i penguar.
Një tymuese u hodh në foltore nga deputeti Ervin Salianji, me deputetët e opozitës që brohoritën në kor fjalët: “Turp! Turp! Turp!”, ndërsa qeveria miratoi disa projektligje.
Në një moment punonjësit e Gardës i kanë marrë tymuesen nga dora deputetit Salianji.
Më herët kreu i Rithemelimit Sali Berisha foli për grevë, duke u shprehur se për sa kohë shkelen të drejtat kushtetuese Parlamenti s'mund t'i kthehet normalitetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
