Kryepeshkopi i Kishës Ortodokse, Anastas Janullatus, i është nënshtruar një ndërhyrjeje në zemër të premten për shkak të shqetësimeve kardiake. Fillimisht Janullatus iu nënshtrua disa ekzaminimeve të cilat i përcaktuan se kishte stenozë të arteries së zemrës dhe brenda disa orësh vendosi të operohej.
Kisha Ortodokse Autoqefale e Shqipërisë njofton se operacioni ka shkuar më së miri dhe brenda dy ditësh Janullatus do të mund të kthehet në Kryepsikopatë.
“NJË PERIPECI E VOGËL ME SHËNDETIN E KRYEPISKOPIT ANASTAS
Pasditen e së premtes, dt. 26 qershor 2020, Kryepiskopi i Tiranës, Durrësit dhe i gjithë Shqipërisë, Fortlumturia e tij, Anastasi, u shtrua në një spital privat në Tiranë, për shkak të shqetësimeve kardiake. Pas ekzaminimeve, u konstatua stenozë e arteries së zemrës dhe brenda ditës u realizua me shumë sukses ndërhyrja angioplastike, me vendosjen e dy stentave. Lavdi Zotit, sot, ditën e shtunë, shëndeti i tij paraqitet veçanërisht i kënaqshëm.
Mjekët e informuan se brenda dy ditësh do të jetë në gjendje të kthehet në Kryepiskopatë. Kryepiskopata e Hirshme e Tiranës dhe Durrësit,
27 qershor 2020,”-thuhet në njoftimin e Kishës Ortodokse Autoqefale të Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
