Presidenti ukrainas Volodymyr Zelensky ka shkarkuar gjeneral lejtënant Mykola Oleshchuk nga posti i komandantit të forcave ajrore, sipas një dekreti presidencial të publikuar në orët e vona të së premtes.
Edhe pse dokumenti nuk përmend një arsye për shkarkimin e Oleshchuk, njoftimi vjen vetëm disa ditë pasi Kievi humbi të hënën avionët e tij luftarakë F-16 të prodhuar nga SHBA në një betejë ajrore.
Ndërsa zmbrapste një sulm rus në shkallë të gjerë në infrastrukturën energjetike të Ukrainës, avioni u rrëzua, duke vrarë një pilot të lartë ukrainas.
“Ne duhet të forcojmë veten, të mbrojmë njerëzit, të mbrojmë personelin, të gjithë ushtarët tanë”, tha Zelensky në një komunikim të premten në mbrëmje, në lidhje me vendimin e tij për të shkarkuar komandantin e forcave ajrore.
Forcat ajrore të Ukrainës konfirmuan rrëzimin vetëm të enjten, tre ditë pas incidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
