Këto që shihni janë disa nga materialet dhe mjetet e rekuizitave të Teatrit Kombëtar dhe atij eksperimental, godina, të cilat u shembën në 17 maj.
Sot, këto rekuizitat e këtyre teatrove, fotografitë, sendet me vlerë dhe arkivat e tyre kanë përfunduar në gjendje të mjeruar.
Aktorja Adriana Tolka mendon se me shumë gjasë dikush mund të ketë hedhur firmën se këto materiale ishin pa vlerë dhe punonjësist që shembën godinat e Teatrit Kombëtar dhe eksperimental i hodhën në tokë sikur të ishin mbeturina.
Tolka flet për vjedhje të këtyre materialeve edhe nga ana e punonjësve të kompanisë transportuese të mbetjeve të TKEKS në landfillin e Sharrës.
Aktorja Tolka mendon se përgjegjësit duhet të procedohen penalisht për një vepër të tillë, të cilën ajo e cilëson si krim.
Pas shembjes së godinës së teatrit, oborri i “ArTurbinës” është kthyer në landfill, ndërkohë që kushdo mund të bëjë çfarë të dëshirojë me pasurinë e mbetur nga godina e dikurshme e Teatrit Kombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
