Pas tensioneve të regjistruara gjatë protestës para Kuvendit, një grup qytetarësh është mbledhur përpara Drejtorisë Vendore të Policisë Tiranë, duke kërkuar lirimin e protestuesve të shoqëruar nga forcat e rendit.
Sipas informacioneve paraprake, të shoqëruar në polici janë Shkëlzen Bushi, Dritan Goxhaj, Mandi Jatagani, Erjon Taipi dhe Asim Prengzi.
Të mbledhurit para godinës së policisë kanë kundërshtuar ndërhyrjen e efektivëve gjatë protestës, duke brohoritur: "Turp, turp", "Lironi protestuesit: dhe "Lironi çunat".
Protestuesit kanë deklaruar se nuk do të largohen nga ambientet e Drejtorisë së Policisë deri në lirimin e personave të shoqëruar.
Sipas tyre, gjatë ndërhyrjes së policisë, disa protestues janë tërhequr zvarrë nga efektivët.
"Do të rrimë këtu, edhe nëse shkelin mbi trupat tanë", u shprehën protestuesit, të cilët vijojnë të qëndrojnë përpara Drejtorisë së Policisë në pritje të lirimit të të shoqëruarve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
