WhatsApp do të detyrojë përdoruesit të pranojnë politikën e tij të re të privatësisë brenda muajit, ose ndryshe nuk mund të hyjnë në aplikacion.
Duke pranuar kushtet e reja do të thotë që të dhënat private të një përdoruesi, përfshirë numrin e tyre të telefonit, do të ndahen me Facebook-un, i cili zotëron WhatsApp-in.
Të gjithë përdoruesit duhet të pranojnë kushtet e reja deri më 8 shkurt 2021, ose përndryshe humbin mundësinë për të hyrë tek bisedat dhe kontaktet e tyre.
Përditësimi vjen në formën e një njoftimi brenda aplikacionit, të cilin përdoruesit mund të zgjedhin ta injorojnë derisa të mbërrijë data e fundit.
"Duke klikuar "Agree", ju pranoni kushtet e reja, të cilat hyjnë në fuqi më 8 shkurt 2021. Pas kësaj date, do të duhet të pranoni kushtet e reja për të vazhduar përdorimin e WhatsApp-it. Gjithashtu mund të vizitoni Qendrën e Ndihmës nëse preferoni të fshini llogarinë tuaj", thuhet në njoftim.
WhatsApp refuzon të komentojë mbi përditësimin, por një zëdhënës tha për “The Independent” se përditësimet e politikës së privatësisë janë "të zakonshme në industri" dhe se përdoruesit kanë "kohë të mjaftueshme" për t'i rishikuar ato.
Përditësimi është krijuar për të "ofruar integrime në të gjithë Produktet e Kompanisë Facebook", i cili gjithashtu përfshin Instagram dhe Messenger.
Disa përdorues të rrjetit social kanë komentuar në Twitter, duke kritikuar kushtin e ri të politikës së privatësisë, ndërsa janë shprehur se do të heqin dorë prej tij për aplikacionet rivale, si Telegram.
"Ky përditësim i ri i politikës së privatësisë ËhatsApp është i frikshëm dhe duhet të shqetësohemi për këtë", shkroi një përdorues në Twitter.
Me rreth 2.5 miliardë përdorues, WhatsApp është deri tani aplikacioni më i popullarizuar i mesazheve në botë./ Burimi The Independent
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
