Safet Bajri i njohur si kreu i një grupi kriminal tejet të rrezikshëm është liruar për disa orë nga qelia. I shoqëruar nga efektivë të Policisë së Burgjeve, ai është dërguar në Shkodër për të marrë pjesë në ceremoninë mortore të të atit.
Lirimi i Bajrit për gati 6 orë u bë me një leje e veçantë nga Drejtoria e Burgjeve pas miratimit nga Prokuroria e Shkodrës
Mësohet se pas përfundimit të ceremonisë mortore 34-vjecari nga Shkodra u kthye në institucionin e vuajtjes së dënimit.
Safet Bajri u arrestua më 21 shtator 2018 në zonë "Xhamllikut" në Tiranë si pjesë e një grupi kriminal "Bajri".
I konsideruar si i “forti” i Shkodër, Safet Bajri është i dënuar me 22 vjet heqje lirie në Belgjikë për tri akuza, përfshirë edhe atë të përleshjeve fizike me grupet rivale në kontrollin e zonave të shfrytëzimit të prostitucionit në Bruksel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
