Regjimi iranian përflitet sërish edhe në sport. Agjencia e lajmeve Tasnim raporton për një rast që shpërtheu në Teheran ku përfshihej një futbollist i kombëtares iraniane.
Bëhet fjalë për Ramin Rezaeian, mbrojtësin 34-vjeçar të Esteghlal, një skuadër kryeqytetase dhe një nga më të suksesshmit në kampionatin iranian.
Rezaeian mori një thirrje nga komisioni i etikës dhe tani rrezikon një gjobë dhe një skualifikim të gjatë. Arsyeja? Lojtari me sa duket ka përqafuar një tifoze përpara ndeshjes së të enjtes së kaluar kundër Chadormalu, e vlefshme për Kupën e Guld-it Persian dhe e cila përfundoi 0-0.
Me sjelljen e tij futbollisti ka shkelur ligjin islam, i cili që nga viti 1979 kërkon në Iran që asnjë burrë të mos ketë kontakt fizik me një grua që nuk është nga familja e tij.
Rasti i Rezaeian nuk është një rast i izoluar. Prillin e kaluar ishte portieri i Esteghlal, Hossein Hosseini, u ndalua për përqafimin e një tifozeje. Përveç ndalimit nga fusha, lojtari u gjobit me rreth 3000 dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
