Pas lirimit nga burgu i Fierit mëngjesin e sotëm, Fredi Beleri ka mbërritur në aeroportin e Rinasit prej nga është nisur në Athinë.
Ai ka folur për mediat para nisjes drejt shtetit fqinj se duke thënë se ditën e nesërme do të jetë në Strasburg.
Nesër do të jem në Strasburg. Dua të falënderoj Drejtorinë e Burgjeve për këtë vendim, ishte një vendim në zbatim të ligjeve.
Nesër atje ka vendime dhe votime të rëndësishme. Besoj që sot e tutje do t’i kthehem normalitetit. Ndërsa për pafajësinë time do ndjek çdo hallkë të drejtësisë, deri në Strasburg.
Sa i takon refuzimit të së drejtës për t’u betuar si kryebashkiak i Himarës, ai deklaroi se që në krye të herës se çështja e tij ka pasur dy standarde.
Ndërsa lidhur me votimet për kryebashkiakun e Himarës më 4 gusht, ai deklaroi se himariotët do të japin një përgjigje dhe dëshira e tyre do të respektohet te rezultati i zgjedhjeve.
Belerit iu dha pesë ditë leje për t’iu mundësuar betimi si eurodeputet në Strasburg.
Fredi Beleri është dënuar nga Apeli i GJKKO-së me 2 vjet heqje lirie me akuzën e korrupsionit zgjedhor, pasi u arrestua nga policia dy ditë para zgjedhjeve të 14 majit 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
