Shërbimet e Komisariatit nr.2 në kanë arrestuar tashmë dy punëtorët dhe inxhinierin e pallatit të kompanisë Arlis sh.p.k për ngjarjen e ndodhur mëngjesin e ditës së djeshme në bulevardin "Gjergj Fishta" ku dy kalimtarë të rastit mbetën të plagosur si pasojë e rrëzimit të skelave të pallatit në ndërtim.
Gazetari Besjan Pula, sot nga vendi i ngjarjes, tha për MCN live, se sipas burimeve nga Policia, sot do të merren në pyetje edhe punonjës të tjerë nga kantieri i ndërtimit, kryesisht ata që kanë punuar me ndërtimin e skelës e cila ra nga sipër.
Pula bëri të ditur edhe gjendjen shëndetësore të dy të lënduarve, të cilat tashmë janë jashtë rrezikut për jetën.
Sa i përket pjesës së hetimeve, kam komunikuar sot me drejtuesit e Komisariatit, nr.2, të cilët më kanë konfirmuar se hetimet po vijojnë ndërkohë që sot do të merren në pyetje edhe punëtore të tjerë.
Bëhet fjalë për punëtorë që kanë ndertuar skelën e cila ka rënë nga sipër dhe ata që kanë qene në kantierin e ndërtimit, në momentin e aksidentit.
Ndërkohë gjendja e të plagosurve, sot është më e mirë. Nga dita e djeshme kur 70-vjecari ishte në gjendje më të rënduar fizike, sot ai e ka tejkaluar rrezikun dhe sipas informacioneve që kamë marrë nga Spitali, ai ka fraktura më të rënda në qafë, por pa rrezik tashmë për jetën.
Ndërkohë 45-vjecarja, e cila ka dëmtime në fytyrë është në gjendje më stabile për jetën.
Duhet theksuar se sot kemi konstatuar duke punuar punëtor brenda ambienteve të kantierit të ndërtimit, jo jashtë saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
