Ndotja e ajrit arriti këtë të hënë në kryeqytetin indian Nju Delhi një nivel 60 herë më të lartë se kufiri maksimal i vendosur nga Organizata Botërore e Shëndetësisë (OBSH), sipas matjeve të kryera nga kompania IQAir.
Qyteti përballet çdo dimër me nivele rekord të ndotjes që shkaktohen nga tymrat toksikë të fabrikave dhe trafikut rrugor, të cilave u shtohet në këtë periudhë të vitit edhe ndotja nga djegia sezonale bujqësore.
Autoritetet lokale aktivizuan nivelin 4 të planit të tyre të alarmit të dielën në mbrëmje për të parandaluar përkeqësimin e mëtejshëm të cilësisë së ajrit.
Shkollat e Nju Delhi po i zhvillojnë mësimet në distancë këtë të hënë deri në një njoftim të dytë, me vendim të autoriteteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
