Ish-kryeministri italian, Silvio Berluskoni, mbahet mend për miqësinë e tij me presidentin rus, Vladimir Putin. Një prej bashkëpunëtorëve të ngushtë të Berluskonit rrëfen në Corriere della Sera një episod të kësaj miqësie.
Vladimir Putin i hoqi zemrën një dreri dhe ia dha Silvio Berlusconit. Kjo ndodhi në vitin 2013 kur presidenti rus e çoi Berlusconin në një udhëtim gjuetie ndërsa të dy ishin duke pushuar së bashku në një nga vilat e tij, tha Fabrizio Cicchitto, një ish-senator nga partia e Berlusconit Forza Italia.
“Vladimiri më tregoi një natyrë të dhunshme që nuk e imagjinoja në një burrë kaq të sjellshëm dhe racional”, citon Cicchitto ish-kryeministrin Berlusconi pas kthimit nga Rusia.
Sipas Cicchitto, Berlusconi pranoi ofertën e Putinit për të shkuar në gjueti edhe pse ai nuk kishte prekur kurrë një pushkë në jetën e tij. Me të arritur në pyll, presidenti rus i dha Berlusconit një pushkë dhe ata ecën së bashku në dëborë.
Kur Putin vuri re dy drerë, ai i kërkoi Berlusconit të vinte njërin në shënjestër. “Ky është i yti. Gjuaji”, i tha Putin Berlusconit. Kur italiani refuzoi, Putini qëlloi të dy drerët dhe i hodhi një vështrim me kënaqësi.
Putin më pas zbriti nga shpati, duke mbajtur një thikë. Ai çau gjoksin e drerit dhe nxori që andej zemrën e tij. Më pas ai i kërkoi një prej njerëzve të tij t'i jepte Berlusconit një tabaka druri në të cilën ai vendosi copën e mishit të gjakosur, duke thënë se do të bënte një vakt të jashtëzakonshëm.
"Ndoshta është thjesht zakoni i një gjahtari," citohet Berluskoni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
