Kompania e Twitter-it ka vendosur të ndalojë në platformë imazhet e llojit PNG të animuar, pas zbulimit se ato mund të përdoren për të provokuar kriza epileptike te njerëzit e ndjeshëm ndaj dritës. Njoftimin e bëri vetë kompania me një postim në Twitter.
Zbulimi ndodhi pas një sulmi të kryer me hashtag-un e Fondacionit Amerikan të Epilepsisë, në disa postime që përmbanin animacione PNG me efekte stroboskopike që saktësisht mund të veprojnë si një nxitës i krizave.
"Ne dëshirojmë që të gjithë të kenë një përvojë të sigurt në Twitter. APNG-të janë argëtuese, por ato nuk i binden cilësimeve në autoplay”, shkruan kompania në profilin e saj.
Vendimi është për sigurinë e njerëzve të ndjeshëm ndaj ndryshimeve feksëse të dritës, përfshirë ata me epilepsi.
Kompania shprehet në postim se po punon për një alternativë më të sigurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
