Një letër prekëse që Albert Ajnshtajn i ka dërguar të birit, Eduard, do të shitet këtë javë në ankandin e Bostonit. Letra me një faqe, e shkruar me dorë, që sipas disa ekspertëve i përket vitit 1929, mban në fund firmën “babai”. Ajo mund të shitet për më shumë se 100 mijë dollarë.
“Jam shumë i lumtur sepse më në fund, pas një pune intensive, kam zgjidhur problemin gravitacion-elektricitet”, thuhet në letër. “Në një farë mënyre, ky është përfundimi i punës së një jete të tërë, ajo çka mbetet është thjesht një bonus”, shkruan Anjshtajni, duke iu referuar asaj që më pas u quajt teoria e fushave të unifikuara, një tentativë për të përshkruar gravitetin me ligjet e elektromagnetizmit.
“Në përgjithësi, Ajnshtajni nuk fliste për punën e tij dhe pikërisht kjo është ajo çfarë e bën këtë letër spektakolare”, thotë drejtori i shtëpisë së ankandeve, Robert Livingston.
Lettra karakterizohet nga dashuria e babait për të birin, që në atë kohë ishte në përfundim të shkollës së mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
