Pesë pasagjerët e “Titan” e kuptuan se çfarë po ndodhte një minutë para se nëndetësja të shpërthente

Pasagjerët që vdiqën në nëndetësen “Titan” ishin të vetëdijshëm për katastrofën që do të ndodhte një minutë para se të shpërthente, tha një ekspert në fushën e nëndetëseve. Eksperti spanjoll Jose Luis Martín tha se nëndetësja OceanGate humbi stabilitetin e saj për shkak të një defekti elektrik, i cili e la atë pa një sistem shtytës, duke bërë që ajo të zhytej në fund të oqeanit “si një shigjetë”. Ai vlerësoi gjithashtu se kur nëndetësja ishte në një thellësi prej rreth 1,600-1,700 metra, ajo filloi të zhytej “si një gur dhe pa asnjë kontroll” për rreth 2500 metra, derisa në 3500 km “shpërtheu si një tullumbace” për shkak të presionit të oqeanit. Martin vlerësoi se pesë pasagjerët kaluan momente të tmerrshme në errësirë totale dhe u grumbulluan mbi njëri-tjetrin gjatë gjithë rënies, e cila zgjati midis 48 dhe 71 sekonda. Nëndetësja “Titan” humbi kontaktin me anijen e saj nënë të dielën, më 18 qershor, gjatë zbritjes në rrënojat e Titanikut dhe disa ditë më vonë, pas një operacioni të madh ku përfshiheshin, ndër të tjera, anije nga Kanadaja dhe Franca, u gjetën rrënojat. Rojet bregdetare amerikane konfirmuan vdekjen e viktimave katër ditë më vonë, ndërsa hetimet për kolapsin e nëndetëses janë në vazhdim.