Për shkak të intensitetit në rritje të luftës kundër banorëve civilë të Gazës, zgjerimi i fushës së luftës është bërë i pashmangshëm.
Një deklaratë e tillë vjen nga ministri i Jashtëm iranian Hossein Amirabdollahian, në një bisedë telefonike të zhvilluar me homologun e tij të Katarit, Mohammed Bin Abdulrahman Al Thani.
Amirabdollahian dhe Al Thani dënuan sulmet izraelite ndaj civilëve në Gaza dhe shprehën shqetësim të thellë për situatën humanitare në zonën bregdetare.
Mes dy zyrtarëve të lartë u shkëmbyen mendime mbi mjetet në dispozicion për të ndaluar agresionin izraelit, zbatimin e menjëhershëm të armëpushimit dhe transferimin e vazhdueshëm të furnizimeve humanitare për civilët në Rripin e Gazës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
