Tetë shqiptarë janë vënë në pranga si pjesë e një grupi që trafikonte drogë nga Shqipëria drejt Greqisë dhe më pas e shiste kryesisht pranë shkollave të mesme.
Banda drejtohej nga dy shqiptarë të moshës 26 dhe 24 vjeç, të cilët janë vënë në pranga. Gjithashtu, gjatë aksionit të policisë greke u arrestuan edhe 6 shqiptarë të tjerë dhe dy shtetas grekë.
Sipas policisë së shtetit fqinj, banda e dërgonte kanabisin nga Shqipëria dhe e magazinonte në banesat e dy “kapobandave”. Më pas, lënda narkotike u jepej pjesëtarëve të tjerë të bandës, të cilët e shpërndanin kryesisht pranë shkollave të mesme në zonat Zografos, Kesariani, Vyrona dhe Pagrati. Çmimi i shitjes së kanabisit ishte 5-8 euro për gram.
Gjatë kontrolleve në banesat e dy krerëve të bandës u gjetën dhe u sekuestruan: 1,5 kg kanabis, një shumë prej 8 000 eurosh, një pistoletë, si dhe 12 telefona celularë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
