Ministri i Jashtëm rus Sergej Lavrov, gjatë një takimi ditën e sotme me homologen e tij franceze Catherine Colonna, tha se armët e furnizuara nga Perëndimi në Ukrainë po përdoren për të goditur termocentralin bërthamor të Zhaporizhzhia-s.
Lajmi është bërë i ditur nga agjencia e lajmeve Ria Novosti.
Pala ruse theksoi edhe një herë nevojën e ndalimit të bombardimeve të uzinës menjëherë dhe plotësisht dhe bëri thirrje për nisjen e një hetimi të pavarur për rastet e sulmeve kundër kësaj strukture.
Nga ana tjetër një tjetër shpërthim i fuqishëm është raportuar në zonën e aeroportit Melitopol, në jug të Ukrainës, i kontrolluar nga forcat ruse.
Këtë lajm e raportoi kryetari Ivan Fedorov, duke shpjeguar se po përpiqen të sqarojnë dinamikën e incidentit.
Agjencia UNIAN kujton se një shpërthim i ngjashëm në të njëjtin vend ndodhi të premten e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
