Drejtori i Institutit për Gjeopolitikë, Sadri Ramabaja, votën pro për Kosovën në Asamblenë Parlamentare të Këshillit të Evropës e sheh si betejë të fituar të diplomacisë shqiptare në përgjithësi.
Duke folur për MCN Live, ai deklaroi se ishte investuar më shumë se dy vjet në përpunimin e prapaskenave politike dhe diplomatike që të votohej pro.
Ramabaja tha se raporti i ish-ministres së Jashtme të Greqisë, Dora Bakojanis dhe komunikimi me forcat e spektrit të majtë kudo në Europë ndikoi dhe se ata që votuan kundër ose abstenuan ishin shumica e deputetëve që vijnë nga spektri i së djathtës ekstreme që në një mënyrë apo një tjetër janë të influencuar nga Vladimir Putin dhe Aleksandr Vuçiç.
Sipas tij, momenti gjeostrategjik i luftës në Ukrainë ka ndikuar jashtëzakonisht shumë.
Deklarata e Daçiç është autogol i llojit të vetë, aderimi i Kosovës në KiE duhet të shihet i dobishëm se qytetarët e minoritetit serb në Kosovë, do të fitojnë edhe një shkallë të sigurtë të mbrojtjes së interesave të tyre.
Angazhimi i trupës diplomatike serbe dhe deklarata e ministrit të Jashtëm serb, për mua janë autogol i llojit të vetë.
Serbia që në mesnatën e kaluar ka marrë masa të rrepta, ka rrëmbyer 600 qytetarë të Kosovës dhe i mban në zonën asnjanëse mes Kroacisë dhe Serbisë, kemi një reagim irracional dhe mundësi reale që të pasohet me reagime shtesë.
Ka pasur menjëherë nga ministria e Jashtme e Kosovës dhe ministria e Brendshme duke u kërkuar qytetarëve tanë që të shmangin çdo udhëtim në Serbi, në mënyrë që të mos e pësojë asnjë qytetar.
Se reagimet irracionale i kemi pasur edhe kur u shpall pavarësia e Kosovës, por në këtë rast ata që do e pësojnë më shumë do të jenë qytetarët e papërgjegjshëm që zgjedhin të udhëtojnë nëpër Serbi.
Serbia ka investuar jashtëzakonisht shumë në politikat shoviniste ekspansioniste dhe është përkëdhelur për një kohë të gjatë nga perëndimi.
Ky votim i djeshëm e ka goditur lidershipn serb dhe një pjesë të qytetarëve që besojnë ekipin klero-fashist në krye të Serbisë.
Nuk është asgjë e habitshme se çfarë vjen pas nga Serbia, pas veladonit të Vuçiç, shfaqet veladoni i klero-fashistit.
Ai tani po e shpalos veten ashtu siç është. Pas mesit të majit kur Kosova të jetë pjesë e Këshillit të Europës në Serbi do të vijojë alibia se ne bëmë sa kishim në dorë.
Nëse Serbisë nuk i tregohen kufijtë qartë, kufiri i thanës, duhet të përgatitemi për një betejë të rreptë mes shqiptarëve dhe serbëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
