Infeksionet e koronavirusit mund të ndikojnë negativisht në cilësinë e spermës, të ndikojnë në fertilitetin pas shërimit.
Kjo u zbulua nga një studim belg i botuar në revistën Fertility and Sterility, i cili përfshinte 120 burra që kanë kapërcyer një formë simptomatike të Covid.
Pjesëmarrësit e studimit, të cilët kishin një moshë mesatare 35 vjeç, treguan një ulje prej 37% të numrit të spermës si rezultat i infeksionit viral.
Ndikimi i koronavirusit në fertilitet zgjati për rreth tre muaj, pas së cilës numri i spermës u kthye në një nivel normal.
Përveç sasisë së spermatozoideve, shpjegojnë studiuesit, ka pasur edhe një rënie prej 60% në aftësinë e spermës për të lëvizur.
Testet, në veçanti, treguan një korrelacion midis përqendrimeve më të larta të antitrupave të drejtuar kundër Sars-Cov-2 në gjakun e pacientëve dhe funksionit të reduktuar të spermës, i njohur si mosfunksionim i përkohshëm i spermës.
Pavarësisht këtij efekti, studiuesit theksuan se ka "prova të forta" që virusi nuk mund të transmetohet seksualisht përmes spermës së atyre që janë shëruar së fundmi nga infeksioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
