Në studion e MCN Informacion u diskutua në lidhje me problemet e sistemit të drejtësisë, nisur nga ngjarja e rëndë e javës së kaluar në Gjykatën e Apelit, ku u vra gjyqtari Astrit Kalaja.
Avokati Alban Duraj tha se ajo nga e cila vuan sistemi dhe rrjedhimisht edhe qytetarët që presin drejtësi është numri i pamjaftueshëm i qytetarëve.
Ndërkohë, Ndue Pjetra tha se harta e re gjyqësore e ka vështirësuar funksionimin e drejtësisë. Ai tha se duhen të paktën 3 gjykata apeli në rrethe.
Alban Duraj
Unë mendoj që nuk është puna e gjykatave. Jam pro hartës së re gjyqësore. Problemi qëndron te numri i gjyqtarëve. Unë jam dakord me konfigurimin e gjykatave, por jo me numrin e reduktuar të gjykatave. Ne kemi 9.1 gjyqtarë për 100 mijë banorë, ndërsa rajoni e ka mbi 20. Ne duhet të shtojmë numrin e gjyqtarëve. Sa i përket numrit të banorëve, sipërfaqes që kemi, janë studiuar një sërë vendesh. Edhe vendet e rajonit kanë këtë strukturë. Ajo që duhet bërë është shtimi i numrit të gjyqtarëve dhe prokurorëve. Qeveria nuk jep fonde, nuk ka buxhet të mjaftueshëm.
Ndue Pjetra
Në Gjykatën e Apelit edhe po pate 1 mijë gjyqtarë nuk ke dhoma për proceset. Nuk duhej të grumbulloheshin të gjithë gjyqtarët e Shqipërisë në një godinë. Një kontrabandist droge e ka shtëpinë më të madhe se aq. Vendimi i dhënë me vonesë ka irrituar palët. Në këtë rast, KLGJ nuk mund të thotë që unë kërkova fonde. Nëse nuk merren masa për shpërndarjen e Gjykatave të Apelit në tre të tilla nëpër rreth, ne nuk kemi për të pasur drejtësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
