Në një fjalim me titull "Nuk ka paqe pa drejtësi për Ukrainën" të mbajtur sot në Hagë, qytet ku ndodhet Gjykata Penale Ndërkombëtare, Presidenti i Ukrainës Zelensky tha se Putini "meriton të dënohet për këto veprime kriminale pikërisht këtu në kryeqytetin e së drejtës ndërkombëtare".
Ndërsa iu referua Putinit, Zelensky tha: "Ne të gjithë duam të shohim një Vladimir të ndryshëm këtu në Hagë, ai që meriton të sanksionohet për veprimet e tij kriminale këtu, në kryeqytetin e së drejtës ndërkombëtare".
"Jam i sigurt se do ta shohim këtë të ndodhë kur të fitojmë," tha ai, duke shtuar: "Kushdo që sjell luftë duhet të marrë gjykimin".
Gjykata Penale Ndërkombëtare ka lëshuar një urdhër-arresti për Putinin për deportimin e pretenduar të fëmijëve nga rajonet e shkatërruara nga lufta.
Rusia ka hedhur poshtë akuzat dhe juridiksionin e ICC-së për konfliktin e saj me Ukrainën, të cilin ajo preferon ta quajë "operacion special ushtarak".
Zelensky mbajti fjalimin e tij në Hagë një ditë pasi Rusia akuzoi Ukrainën se po përpiqej të godiste liderin e Kremlinit me dron. Kremlini tha se e percepton sulmin si një përpjekje për të vrarë Putinin.
Ish-presidenti rus Dmitry Medvedev bëri thirrje të mërkurën për "eliminimin fizik" të Zelenskit. Udhëheqësi tha: "Pas sulmit terrorist të sotëm, nuk ka asnjë opsion që të lëmë mënjanë eliminimin fizik të Zelensky-t."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
