Mbretëresha Elizabeth II, e cila vdiq në moshën 96-vjeçare, mori fronin 70 vjet më parë. Ajo mban disa Rekorde Botërore Guinness.
Elizabeth II u bë zyrtarisht mbretëresha më e vjetër britanike më 21 dhjetor 2007. Rekordin e mbante më parë stërgjyshja e monarkut, Mbretëresha Victoria.
Mbretëresha Elizabeth është gjithashtu e njohur si mbretëresha me sundimin më jetëgjatë në botë. Më 9 shtator 2015, Mbretëresha e kaloi mbretërimin e Mbretëreshës Victoria pasi mbretëroi për më shumë se 63 vjet.
Sipas Rekordeve Botërore Guinness, Mbretëresha Elizabeth mbante gjithashtu rekordin për numrin e vendeve të pavarura ku i njëjti person ishte sundimtar legjitim në të njëjtën kohë, me 16 vende.
Duke pranuar se kjo e bëri atë ndoshta gruan më të fuqishme në botë, libri i rekordeve thotë: Ndërsa roli i mbretëreshës ishte simbolik dhe ceremonial, më shumë se 139 milionë njerëz që jetonin në 15 vendet e Komonuelthit të Kombeve (plus Mbretërinë e Bashkuar) e njihnin atë si monark.
Imazhi i Mbretëreshës Elizabeth është paraqitur në monedha te të paktën 35 vende të ndryshme. Ky numër ishte 21 për Mbretëreshën Victoria dhe 19 për Mbretin George V.
Pasuria e familjes mbretërore, e udhëhequr nga Mbretëresha Elizabeta II e Anglisë, vlerësohet në 20 miliardë paund, duke përfshirë filialet, pasuritë e paluajtshme, koleksionet e artit dhe bizhuteritë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
