Kina shkurton kohën që një i mitur mund të shpenzojë në video-lojëra

Rregullatorët kinezë shkurtuan sasinë e kohës që një fëmijë nën 18-vjeç mund të shpenzojë në lojërat online të premteve, fundjavave dhe festave.

Shqetësimi në rritje për varësinë e lojërave online bëri që rregullatorët të shkurtojnë kohën e shpenzimit në lojëra deri në 1 orë.

Rregullat, të publikuara nga Administrata Kombëtare e Shtypit dhe Publikimit, thanë se përdoruesit nën moshën 18-vjeç do të ishin në gjendje të luanin lojëra vetëm nga ora 20:00 deri në orën 21:00 me orën lokale, sipas agjencisë së lajmeve Xinhua.

Kompanitë e lojërave online do të ndalohen nga ofrimi i shërbimeve të lojërave për të miturit në çdo formë jashtë atyre orëve dhe do të duhet të sigurohen që ata të kenë vendosur sisteme të vërtetimit të emrit të vërtetë, tha rregullatori, i cili mbikëqyr tregun e video lojërave në vend.

Më parë, Kina kufizoi kohëzgjatjen totale të kohës që të miturit mund të hynin në lojërat online në tre orë me pushime ose 1.5 orë në ditë të tjera.

Administrata Kombëtare e Shtypit dhe Publikimit i tha gjithashtu Xinhua se do të rrisë frekuencën dhe intensitetin e inspektimeve për kompanitë e lojërave online për të siguruar që ata po vendosin kufij kohorë dhe sisteme kundër varësisë.