Kisha Katolike në Lezhë ka mbajtur dje një meshë me rastin e përvjetorit të vdekjes së heroit kombëtar, Gjergj Kastrioti Skënderbeu.
Mesha e falënderimit u mbajt paraditen e djeshme në Kishën Katedrale të qytetit, ndërsa pas saj u zhvillua edhe një ceremoni pranë memorialit të Skënderbeut.
“Ne duam të falënderojmë Zotin që, falë burrave dhe atdhedashësve si Skënderbeu, sot kemi lirinë, kemi një atdhe. Në një kohë, e cila ndryshon shumë nga e sotshmja, ai me shumë kurajo e forcë i bëri ballë njërës prej perandorive më të forta e gjakatare të kohës. Sikurse pati thënë Papa Pali VI: “Shekulli XV qe për kombin shqiptar një prej periudhave më të vështira, por edhe më të lavdishme të historisë së tij ... Qëndresa e shqiptarëve përreth një çerek shekulli qe e guximshme dhe fitimtare, mbi të gjitha falë vlerës dhe zotësisë së kryezotit të tyre, Gjergj Kastrioti Skënderbeut”, thuhet në njoftimin e kishës për këtë aktivitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
