Restoranti i një 41-vjeçari në Fushë-Krujë është përfshirë nga një shpërthim i fuqishëm pak minuta pas mesnatës të së premtes, duke shkaktuar vetëm dëme materiale. Policia dyshon se lënda plasëse është vendosur për shkaqe konkurence, ose si pasojë e konflikteve personale të pronarit.
Kur kishin kaluar 30 minuta nga mesnata e së premtes, një sasi e konsiderueshme tritoli ka shpërthyer në pjesën hyrëse të një bar-restoranti në Fushë-Krujë. Për pasojë u shkaktuan vetëm dëme materiale, ndërsa policia nuk ka identifikuar autorët apo shkaqet e ngjarjes. Në njoftimin zyrtar, policia bën me dije se rreth orës 00:23 ka marrë njoftim se në Krastë, në pjesën hyrëse të lokalit Bar- Restorant në pronësi të shtetasit M.V. 41 vjeç, banues në Fushë-Krujë kanë vendosur dhe ka shpërthyer një sasi lënde plasëse. “Në përcaktimin e sasisë dhe llojin e lëndës plasëse po kryhen veprime nga ekspertët Antieksploziv”- njofton policia, ndërsa paraprakisht mendohet se bëhet fjalë për tritol. Konkurenca mendohet të jetë shkaku I ngjarjes, ndërsa policia po verifikon edhe konfliktet personale të pronarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
