Letërsia antike në shqip, Paci: Janë nga origjinali. Tradita e munguar e përkthimeve nga arabishtja

<p>Janë vepra me rëndësi për letërsinë dhe historinë e saj, të cilat fatmirësisht ekzistojnë të sjella në gjuhën shqipe.</p> <p>Shumë prej tyre, të përkthyera nga origjinali vite më parë, vijojnë të mbeten shtylla për studime të ndryshme, ndërkohë që shqipërimi i tyre, sigurisht është sfidë e vështirë dhe që nuk mund të bëhet shpesh.</p> <p>Prof. Evalda Paci, njohëse e mirë e gjuhës latine, vëren se variantet e përkthimit që posedojmë janë përkthime shumë të mira, por që janë bërë shumë vite më parë. Ndërkohë, ajo shton se është për t’u nënvizuar rëndësia e rinjohjes së varienteve që posedojmë në lidhje me letërsinë antike greke e romake.</p> <p>Me interes është edhe përkthimi i veprave nga hebraishtja dhe arabishtja, dy gjuhë të grupit të gjuhëve semitike prej të cilave sot janë të gjalla vetëm 4 gjuhë.</p> <p>Sa i përket arabishtes, prej vitesh ka përkthime, kryesisht të natyrës filozofiko-historike apo teologjike, por nuk ka ende letërsi arabe të përkthyer direkt nga origjinali.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Albane Reli, njohës dhe përkthyes nga disa gjuhë, mes të cilave edhe nga arabishtja dhe hebraishtja, po përpiqet ta sjellë këtë letërsi nga burimi.</p> <p>Përsa i përket gjuhës hebraike, ai është i pari që ka sjellë në shqip nga origjinali një vepër letrare të shkruar në këtë gjuhë, “Djali me biçikletë” të Eli Amir.</p> <p>&nbsp;</p> <p>&nbsp;</p> <iframe width="560" height="315" src="https://www.youtube.com/embed/whitedXXWmA?si=LOC-2POk74_cqPcr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>