David Copperfield është akuzuar për sjellje të pahijshme dhe ngacmim seksual nga 16 gra.
Disa nga veprat e supozuara ndodhën kur viktimat ishin nën 18 vjeç. Akuzat datojnë nga fundi i viteve 1980 deri në vitin 2014.
Sipas The Guardian, tre nga gratë pretendojnë se magjistari i drogoi para se të bënte seks me to dhe se në kushte të tilla nuk ndjeheshin në gjendje të jepnin pëlqimin.
Në katër raste, gratë pretenduan se magjistari i përqafoi ose i detyroi ta preknin në mënyrë seksuale gjatë shfaqjeve live në skenë.
Një grua shtoi se ajo u takua me Copperfield në vitin 1991 kur ajo ishte 15 vjeç dhe ai mbante kontakte me të përmes telefonatave.
Kur ishte 18 vjeç, ajo thotë se kishin bërë seks konsensual, por gruaja i tha Guardian se beson se ishte e manipuluar nga iluzionisti.
Në një deklaratë për BBC, avokatët e Copperfield thanë: “Të gjithë ata që e njohin David Copperfield do t’ju thonë se këto akuza të fundit nga një gazetë janë saktësisht e kundërta e asaj që është David”.
Copperfield është akuzuar edhe më parë për sjellje të pahijshme dhe në vitin 2018 ai mohoi akuzat historike për sjellje të pahijshme seksuale.
“Kam jetuar me vite të tëra me lajme që më akuzojnë për akte të fabrikuara, të urryera, me pak njerëz që tregojnë historinë e arrestimit të akuzuesit dhe pafajësinë time”, shkroi ai në Twitter asokohe.
Copperfield është një nga magjistarët më të njohur të Amerikës. Ai ka fituar 21 çmime Emmy dhe mban 11 rekorde botërore Guinness.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
