Moment terrori në Spanjë. Një makinë është futur në mes të turmës në një pedonale të Marbella-s, në rajonin e Andaluzisë. Për pasojë kanë mbetur të plagosur tre persona, ndërsa turma është përfshirë nga paniku për shkak të ngjashmërisë së këtij episodi me sulmet e Nicës dhe Berlinit.
Pas ngjarjes, hetimet nxorën se hyrja e makinës në turmë ka qenë e qëllimshme, por ka pasur si shënjestër vetëm tre persona. Policia spanjolle ka arrestuar drejtuesin e mjetit dhe një pasagjer, të dy në gjendje të dehur.
Shkak i sulmit mendohet të ketë qenë një sherr mes dy grupesh angleze. Ata janë konfliktuar në një festë dhe për këtë arsye janë nxjerrë jashtë, për të vijuar konfliktin në rrugë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
