BE-ja ka miratuar një plan të madh shpenzimesh ushtarake për të zhbllokuar miliarda euro për të ndërtuar aftësitë e mbrojtjes.
Nisma, e cila u miratua pas një samiti urgjent në Bruksel të enjten, synon gjithashtu të mbështesë ndihmën për Ukrainën pasi ndihma ushtarake amerikane për Kievin u ndërpre.
Sipas planit, i cili quhet ReArm Europe, shpenzimet e mbrojtjes së bllokut do të rriten deri në 800 miliardë euro, dyfishi i shpenzimeve totale të mbrojtjes të BE-së në vitin 2024.
Nisma u zbulua në fillim të kësaj jave nga presidentja e Komisionit Evropian Ursula von der Leyen, e cila tha se do të paraqesë propozime ligjore brenda dy javëve të ardhshme.
27 udhëheqësit e BE ranë dakord të lehtësojnë kufizimet buxhetore për të lejuar shtetet anëtare të rrisin shpenzimet ushtarake.
Ata gjithashtu i bënë thirrje Komisionit Evropian të eksplorojë mekanizma të rinj "për të lehtësuar shpenzimet e rëndësishme të mbrojtjes në nivel kombëtar në të gjitha shtetet anëtare", sipas një deklarate zyrtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
