Digjet në oborrin e shtëpisë një makinë në Vlorë, dyshohet për zjarrvënie të qëllimshme

Një makinë është djegur mëngjesin e sotëm në qytetin e Vlorës.

Ngjarja ka ndodhur rreth orës 08:10 në lagjen “Partizani” dhe makina ka qenë e parkuar në oborrin e banesës.

Dyshohet për zjarrvënie të qëllimshme, por policia po punon për zbardhjen e plotë të ngjarjes.

Informacion paraprak:

Më datë 12.11.2021, rreth orës 08:10, në lagjen “Partizani”, Vlorë, në oborrin e banesës së shtetasit I. H., 30 vjeç, është djegur një automjet tip “Reno”, në pronësi të shtetases E. S.

Grupi hetimor po punon për zbardhjen e rrethanave të ngjarjes dhe shkakut të rënies së zjarrit.