Dhjetëra persona për ti shpëtuar sulmit terrorist në klubin e natës në brigjet e Bosforit në Stamboll janë hedhur në det për të shpëtuar jetën.
Sipas raporteve të mediave turke, policia detare turke ka punuar fort për të shpëtuar personat që u hodhën në ujë pas sulmit të tmerrshëm mesnatën e Vitit të Ri.
“Sozcu” thotë se teksa policia turke rrethoi klubin e natës Reina, në Ortakoy, policia detare shpëtoi me dhjetëra persona që u hodhën në det në panik e sipër. Klubi i natës Reina ndodhet tek këmba në pjesën europiane të urës së Bosforit.
Disa orë pas masakrës që tronditi Stambollin, ka ardhur edhe reagimi i pronarit të klubit të natës, i cili thotë se forcat turke të sigurisë dështuan të parandalonin sulmin pavarësisht informacioneve të marra nga inteligjenca amerikane.
Gazetari i “Hurriyet”-it thotë se Mehmet Koçarslan, pronari Reinas, një prej klubeve më të famshme të natës në Stamboll, mezi fliste nga e qara.
“Bastardët që hynë brenda kanë qëlluar me breshëri kallashnikovi. Inteligjenca amerikane kishte informuar mbi këtë. Për një periudhe kohore prej një jave a dhjetë ditësh këtu u morën masa shtesë mbrojtjeje, përshirë edhe rritjen e sigurisë detare. Cfarë ndodhi më pas? Ky sulm ndodhi para syve tanë,” tha Koçarslan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
