Zv. ministrja e Arsimit, Bora Shahini shprehet se 75% e 13 mijë mësuesve të anketuar për nismën “3 lëndë në 6 orë” janë pro ndryshimit. Në një intervistë për "TemA TV", Shahini deklaron se nisma është e testuar dhe pranuar në vendet evropiane.
Zyrtarja u paraqit për të raportuar para deputetëve, por nuk u lejua nga kryetarja e Komisionit të Edukimit, Albana Vokshi.
"Kemi dhënë një pyetsor me gati 13 mijë mësues që janë përgjigjur dhe gati 75 % e tyre janë dakortë, ndëra 20 % e tyre janë dakord, por me skepticizëm dhe 5 % janë kundër", tha Shahini.
Sipas zëvendësministres kjo ka ardhur si ide nga vetë mësuesit në mënyrë që ta zbatojmë siç duhet kurikulën e re dhe le të bëhet një riorganizim i orarit që të thellohemi më shumë për njësin mësimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
