Komiteti Disiplinor i FIFA-s ka ndëëshkuar Federatën Shqiptarë të Futbollit për incidentet e ndodhura në ndeshjen Shqipëri-Poloni, e luajtur më datë 12 tetor 2021 në “Air Albania Stadium”.
Vendimi marrë ditën e sotme e ndëshkon Federatën e Futbollit me një gjobë prej 150 mijë frangash dhe detyron që të luajë ndeshjen e fundit eliminatore për Kampionatin Botëror “Katar 2022” pa praninë e tifozëve.
“FSHF shpreh keqardhjen për këtë vendim të marrë dhe do të ndërmarë të gjithë masat e nevojshme që situata të tilla, të shkaktuara nga disa individë, mos të ndodhin më në të ardhmen dhe të mos dëmtojnë Kombëtaren tonë në paraqitjen e tyre ndërkombëtare”, thuhet në njoftimin e FSHF.
Federata do të vlerësojë mundësitë për ankimimin e vendimit brenda afateve të parashikuara.
Kujtojmë që në minutën e 70-të të ndeshjes Shqipëri-Poloni të luajtur më 12 tetor, tifozët shqiptarë hodhën në drejtim të lojtarëve të Polonisë sende të forta. Ky veprim, ndëshkoi rëndë Federatën e Futbollit Shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
