Udhëheqësi i organizatës terroriste Al Kaeda, Osama bin Laden, u identifikua në Afganistan midis 19 dhe 20 gushtit të vitit 1998 nga Shërbimi Federal i Informacionit (BND), agjencia e jashtme e inteligjencës gjermane.
Kështu raporton gazeta Bild, sipas së cilës BND arriti të lokalizojë Bin Ladenin duke përgjuar komunikimet radio mes drejtuesve të Al Kaedës.
Zbulimi u konfirmua nga August Hanning, drejtor i BND nga 1998 deri në 2005.
Shërbimi transmetoi koordinata në Shtetet e Bashkuara të Amerikës për të goditur Bin Ladenin me raketa Cruise.
Megjithatë, meqenëse nisja kërkonte kalim përmes hapësirës ajrore pakistaneze, SHBA-të duhej të informonin këtë shtet për operacionin.
Sipas Hanning, Bin Laden u paralajmërua për sulmin e afërt “nga një vend fqinj”, përkatësisht Pakistani.
Sipas Bild, kreu i Al Kaedës i ka shpëtuar për pak bombardimit, duke ikur “mbi kurrizin e një gomari”.
Hanning konfirmoi se “Kur raketat amerikane goditën, Bin Laden ishte vetëm disa qindra metra larg kampit ku ne e kishim gjurmuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
