Sulmet kibernetike që kanë prekur sistemet e regjistrimit të fluturimeve në shumicën e aeroporteve europiane janë, sipas ekspertit të IT-së, Eduard Milushi, veprime të qëllimshme dhe të planifikuara.
Në një intervistë për edicionin e lajmeve në MCN TV, Milushi theksoi rëndësinë e përdorimit të sistemeve lokale në rast se ato ndërkombëtare pësojnë probleme.
Më patjetër, këto sulme janë të qëllimshme; nuk është një incident që mund të ndodhë pa dashje dhe të shkaktojë një dëm kaq të madh. Leximi është i thjeshtë: digjitalizimi ka të mirat dhe të këqijat e tij.
Ky është një proces që kërkon kujdes, dhe industritë si aviacioni dhe aeroportet duhet të kenë sisteme lokale, për t'iu përgjigjur problematikave që mund të ndodhin me shërbimet e sistemeve që përdorin për check-in dhe menaxhimin e bagazheve.
Në rast se ndodhin probleme me sistemet ndërkombëtare, duhet patjetër të ketë një backup lokal që mund të kalojë në mënyrë automatike procesin, pa kaluar në një proces manual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
